Chegou outra vez a tan esperada Noite Celta organizada pola peña Comando (lembrade que "Comando somos todos") que ainda que este ano tan so era a segunda edición, xa está collendo visos de perpetuarse e convertirse en toda unha tradición... ¿Unha tradición de qué? Pois de xuntarnos un bó feixe de celtistas (a pesares do empate a cero) para celebrar o noso sentimento e o noso amor ó Celta e a unha cultura tan rica como a nosa con unha música, uns caldos e unha gastronomía única no mundo :-)
Na "Noite Celta" o Furancho da Balsa consigue crear o ambiente propicio para a música en directo, a diversión e as emocións, ogallá sea algo que logremos repetir todos os anos dende segunda ata que volvamos a recuperar o lugar que nos corresponde. Felicitar dende estas líñas a todos os asistentes pola súa presenza, ós músicos (os que tocaron e os que non) pola boa sintonía (ese Núñez), as cociñeiras que coma sempre (o de sempre) encontraron o punto, o gran traballo dos organizadores, moito chollo previo na ambientación do local e na exposición fotográfica dos mellores momentos da temporada, e como non podía ser doutra maneira darlle unha mención especial a ese licor do negro café que tumbas, que me matas...
Crónica de JES (02.12.2008)
